rezore

Ya met "son ar chistr" a c'hell bezañ degemeret fall ivez..
Ma z eus blaz ar c'hozh gant ar "bro gozh", e c'heller lavarout e vez blaz ar seksim gant "son ar chistr". Ar merc'hed ne servijfent da vezañ karet nemetken, evel paourkaezh traouigoù n'o deus ger ebet da lâret en afer-mañ ? ;o)

hag evit un afer an traoù "ofisiel" pe get.. kemeromp skouer ar brezhoneg neuze... : Lakaet eo bet ar brezhoneg 'maez al lezenn.. Ne vir ket ouzhit erc'h implij.. hag evit lod vrasañ ar vretoned, daoust d'hon yezh bezañ komzet nebeutoc'h nebeutañ e chom evito un arouez kreñv-tre.

Setu soñjoù buan ha buan. Diouzh ma zu n'anvean ket pozioù ar "bro gozh", ne blij ket re din ha ne savan ket peurliesañ pa vez goul' diganin sevel forzh penaos. Met, ret eo anzav eo start lakaat traoù da vroadel pa vez difennet ouzh ar vretoned bezañ anavezet evel ur gwir pobl.

Écrit par : brmm | 20/04/2006

Salud dit Christian,

Difluket en-dro sujed "ar vro gozh" war da vlog gant ar gerig bet lezet gant Celtillos nevez zo, hag adkavet ar pennad kozh-mañ un tamm dre zegouezh. Anzav a ran on bet souezhet gant al linennoù-mañ :

"Hervez ar gazetenn Bremañ (Miz Mae 2004), ar Vro Gozh zo bet dibabet, choaset, get an “holl Vretoned, evel o c’han broadel”... A bon ? Pegoulz eman bet votet an dra se, get piv ? Me, m’eus ket votet, na ma zud, ma ma zud kozh..."

Drol em eus kavet... Aet on da furchal en-dro (ne oa ket bet savet ar pennad ganin) hag ar frazenn a zo:

"Berzh en doa graet ar "Vro Gozh" abaoe [d.l.e 100 vloaz war-lerc'h], ha tamm-ha-tamm eo bet degemeret gant an holl Vretoned evel o c'han broadel."

OK, aet e oa ar skriver un tamm re bell ganti p'en deus graet gant "an holl Vretoned". Anat eo, n'eus mann ofisiel naa demokratel en afer.

Menegiñ a rae skriver ar pennad afer ar Vro Gozh kanet gant tud an UMP evit diskouez e veze, just a-walc'h, graet gant ar c'han-se e-maez metoù ar "vrogarourien" (d.l.e. re Breizh), met gant tud techet kentoc'h da chom hep hejañ o revr evit ar yezh pe gwashoc'h zoken... Aze e oa an dalc'h, ster ar ger "degemeret" a gav din: aet ar c'han-se betek salioù-emvod an UMP er vro. Peadra da estlammiñ "What the fuck?!" memes tra.

Ne oa ket kaoz eus "dibab" pe "choaz": "degemer" zo aze kentoc'h gant ar ster ober tamm-ha-tamm gant ur c'hinnig graet (evel m'eo bet "degemeret" kinnig ar gwenn-ha-du evel "banniel Breizh", gant kalzig a dud memes tra). Gellout a rafer ober anv eus an erminigoù ivez, ha leun a draoù all a seurt-se, traoù an "hengoun" dre vras (koef ar Vro-Vigoudenn, c'hic'hic'hi).
Gellout a reer mont pelloc'h: piv en deus dibabet ober eus ar c'horn-mañ eus ar bed "Breizh"? N'eus bet referendom ebet a gav din. Erfin, n'eus ket bet nevez zo bepred ;-)

Setu, c'hoant am boa lâret ne oa ket ken simpl hag eeun a se ar pennadig a oa bet e-barzh Bremañ e Mae 2005.

Goude-se e komprenan e oa ret mat dit boulc'hañ da bennadskrid en ur mod bennak ;o)

Evit mont gant ar gaoz diwar-benn ar ganenn gozh-se, e c'heller menegiñ ivez e soñje ar vroadelourien, kant vloaz zo, e ranke Breizh kaout ar memes "ostilhoù" hag ar broadoù "ofisiel": banniel, kan, devezh-lid ha tout ar stal.
Krediñ a rafen a-walc'h e oa evit "ober evel ar re all" dreist-holl. D.l.e n'eo ket "evel ar C'hallaoued", met an holl re all dre ar bed (bezañ par d'ar pobloù/broadoù all, kwa). D'ar mare-se e soñje d'an dud dre vras ne oa ket pobloù "gwirion" ar re n'o doa arouez ebet a seurt-se. Lod o deus "degemeret" neuze kinnig Taldir Jaffrennoù: deuet e oa ar Vro gozh da bastañ un ezhomm a oa gant tud zo d'ar c'houlz-se. Meur a warlene zo bet abaoe.

Gwelloc'h e vefe un ton all da dud zo?
"Son ar chistr" a c'hellfe bezañ, gwir eo! Laouen ha fentus. Pe "son ar c'hafe", perak ket, kaoz zo aze eus ar blijadur da vezañ asambles, betek ar vered ^_^
Sur on e soñj da dud zo ez eo "Tri martolod" kan broadel Breizh ;o)

Mat e vije gwelet peseurt emzalc'h o deus ar pobloù all dre ar bed e-keñver an dra-se marteze.
Ma fell d'an neb e vefe eus ur c'han broadel evit Breizh, gwazh a se dezhañ. Keit n'eus Stad ebet ho rediañ an dud da zeskiñ ha kanañ pozioù gouennelour ha brezelour dre heg ;-) Aze, e teu da vezañ un afer all, anat eo...

A-hend-all, en un doare personel...

Pa oan bihan e soñje din ne oa "kan broadel" ebet gant Breizh, pa oa bet goulennet ouzhin gant bugale all er skol 'lec'h ma oan -e Dijon d'ar mare-se (bloavezh ar "Bicentennaire" e oa ha me rediet da zeskiñ kanañ "La Marseillaise" da vat neuze).

N'eo ken met pell amzer goude-se em eus klevet kaoz diwar-benn ar Vro gozh ha goulennet digant ma zud petra 'oa. Goût a ouient mat e oa deus ar c'han-se ha, d'am meno, e vagont doujañs evitañ peogwir ez eo un astez "arouez". Gellout a ran kompren kement-se, bugale familhoù "eus an emsav" a-bell zo int.
N'o deus klasket deskiñ ar c'han-se d'o vugale gwech ebet koulskoude. Ar pezh a ziskouez mat, d'am meno, ne felle ket dezho "sankañ" seurt traoù e pennoù o bugale. Ha rediet e oant bet gant o zud? N'on ket evit lâret, met, ma zud-kozh n'o deus kac'het ar stal gant-se gwech ebet kennebeut pa vije o bugale-bihan eno.
Deomp d'ober hon soñj ni hon-unan. Ar pezh a gavan yac'h en ur mod...

Tro am eus da glevet tud o kanañ ar Vro Gozh e fin interamantoù dreist-holl (kerent, stourmerien ar yezh, ha me oar me). N'am eus gwelet den ebet o rediañ eben pe egile da sevel ha kanañ gwech ebet evit poent (un tamm evel e-kerzh oferenn, hehehe).
An diskan a anavezan bremañ, dre forzh bezañ bet klevet. Ar peurrest... zo un afer all!

N'eus forzh evidon, n'eo ket gwall dra an afer-se, "folkoraj" un tamm (daoust din kavout plijus ar stumm rock bet kempennet gant sonerien "Daonet").

(Ma rankfe ur ganaouenn diskouez piv eo ar Vretoned, o istor hag all... e kinnigfen a-walc'h "Bugale Breizh" gant Nolwenn Korbell ^^)

Ma. Danvez kaozeadennoù liesseurt e c'hell bezañ war a seblant, hag e brezhoneg war ar marc'had. Ar pezh zo un dra vat dija.
(hag un digarez da lenn pennadoù kozh, c'hac'hac'ha ^^)

Écrit par : milio | 25/11/2010