Yezhoù en arvar : labour 'zo ! : rezore

D	L	M	M	J	V	S
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30

« An Alré : emgav d'ar sadorn mintin | Page d'accueil | Naoned/Nantes : "Gare aux autocollants bretons d'immatriculation"... »

27/04/2011

Yezhoù en arvar : labour 'zo !

Renablet 'vez get an Unesco ar yezhoù en arvar : 2.500 a ziar ar 6.000 yezh komzet (ar dro) er bed a-bezh, a zo er stad-se. An Unesco 'deus embannet un Atlas nevez 'zo a-ziàr an dra-se. War ar skeul savet get pennoù bras an Unesco, al live 0 a vez roet d'ar yezhoù marv betek 5 d'ar yezhoù yac'h. Al live 2 a zo bet roet d'ar brezhoneg ha d'ar gallaoueg da lâret eo "yezhoù en arvar bras"... Ar galleg n'eo ket en arvar.

Gwir eo, ne vez ket mui klevet komz brezhoneg alies e straedoù an Hen Bont, An Alré, Gwened... Un nebeut blezadoù 'zo e veze klevet breton war ar marc'hadoù c'hoazh, met kazi echu eo bremañ. Eurus a-walc'h, desket 'vez brezhoneg get bugale e skolioù 'zo. Tud deuet a zesk brezhoneg get kevredigezhioù 'zo. Ar re-se a zle bout sikouret get ar re a faota dezhe e chomo bev hor yezh, evel ar rannvro, ar c'humunioù o deus sinet Karta Ya d'ar brezhoneg, hag all. Rak get ar skolioù hag ar c'hevredigezhioù e vez kelennet ha komzet brezhoneg bremañ hag amañ.

Embann soñjoù an aotroù aotrou maer e galleg hag e brezhoneg ba' kelaouenn an ti-kêr, evel mavez graet get kumunioù 'vez : perak pas ? Met efedus eo evit lakaat an dud da gomz ? Ur yezh vev a zo, da gentañ, ur yezh komzet. Ha n'eo ket ag un dekorom breizhat hon eus ni, brezhonegerion, dober evit komz. Met bout sikouret da vat get tud paeet da labourat evit kelenn hor yezh, aoziñ abadennoù e brezhoneg, sevel emgavioù ha liammoù etre ar rummadoù a gomz brezhoneg, bugale, tud kozh, tud deuet. War dachenn ar brezhoneg, ur bern postoù labour a c'hellehe bout savet. N'eo ket al labour a vank. Ar youl, an argant, hag an efedusted, ne lâran ket.

CLM

* Travailler en breton : ar stummadurioù a zo diskouezhet war un trakt embannet get Kelenn, Roudour, Stumdi, Skol an emsav ha Deskiñ d'an oadourien), DAO - 0.820.20.23.20.
dao.bzh@gmail.com

19:50 Publié dans Breizh/Bretagne, Brezhoneg/Langue bretonne, Yezhoù/langues | Lien permanent | Commentaires (13)

Commentaires

"Deskiñ d'an oadourien" (= apprendre au adultes?)

Ha ne hellfe ked beza bed skrived kentoh: "Kelenn d'an dud en oad"?

Hag ive : labour 'zo DA OBER ?

Écrit par : froud | 27/04/2011

Da Froud:
ya evel just e vije bet moaien da lavarout 'mod-all, met KDO ne son ket ken brav ha DAO, ha pelloc'h: "dao" (pe dav = ret) eo ober un dra bennak...
Traoù d'ober ? ya evel just, lakaat ar parrezioù da sinañ "ya d'ar brezhoneg", met ivez an embregerezhioù, ar c'hevredigezhioù evit diskouez ez eus ur volontez evit derc'hel bev hor yezh.
A galon
Serj

Écrit par : Serj | 29/04/2011

Me gav din na zlefer ked ober gand ar verb "deski" evid "apprendre = enseigner", p'eo an dro-lavar ze saved diwar ar galleg ha pa'z euz evid se eur ger all reisoh: "kelenn".